Month: March 2017

  紅米 Note 4X 及小米 Note 2於 3 月 14 日在香港發布，而今次新機當中最特別的莫過於紅米 Note 4X 定價竟然平過國內版本。幫大家計計數，大陸版note4x售價為RMB999,即港幣$1122，而港版為$1099，足足平左$23!! 以往小米作風係內地版比國際平$100-200不等，今次一反常態，看來小米誓要拿下香港中低階市場。小編認為千一蚊有找買到中階機，唔到讀者們再搵藉口唔做孝子啦，買部做後備機都扺啊！！ ▲從上圖可見，紅米note4x在CPU,屏幕，以及價錢都略勝一籌。 ▲而係同為Snapdragon 625 CPU手機中，更可說絕對係無對手啊！ 魚和熊掌不可兼得？非也，紅米note4x在千元手機無論性能外型性價比最高，除了依舊延續大屏的一貫賣點之外，金屬機身加上電池容量均達到了4000mAh以上，價錢仍維持千元，但性能媲美大部分$1500-3000的手機，難怪被外國網民叫做smartphone killer。除了價錢扺玩之外，不如開箱看看其他部分！   〜外觀〜 今次香港推出的note4x機身顏色除了以往紅米系列的金、灰，更會特別推出岩哂一眾少女的粉紅色（金色粉紅色要稍後四月出），可惜的是內地獨有「初音綠」就無緣係香港推出啦。 ▲開箱啦 小編手上的是灰黑版 ▲白色的簡約包裝。拎哂所有嘢出黎，見到配件方面會有 SIM 卡針、5V/2A插頭以及 USB數據線。 ▲紅米 Note 4X 採用3選1設計（ “電話卡(micro sim)＋電話卡(nano sim)” 或“電話卡(micro sim)+記憶卡(micro sd)”）,卡槽可插電話卡及記憶卡擴充容量，對於小編鍾意放下歌/相／片，自由度就比較大，呢點值得贊。 sdr ▲2.5D弧面玻璃，當然少不了陽光屏，夜光屏，護眼模式等特色，在室外強陽光下可都可以看清屏幕，睡前黑燈環境下也可以不受藍光傷眼。 ▲3.5mm耳機接口與紅外線位；小編最喜愛就係紅外線配合萬能遙控app，係屋企餐廳都可以用手機轉台，唔洗周圍搵遙控！ ▲紅米note4x外型同上代 紅米note4 相差不大，同樣用上全金屬機身，但美中不足的是金屬手機天線分割線仍保留，好在顏色非常接近金屬材質，效果不太明顯。   ▲note4x比note4 speaker位旁缺少了兩顆螺絲，看來小米學懂了隱身術！                     不過平心而論，紅米note4雖然售價下降，但造工仍不馬虎偷工減料，機身中段為鋁合金金屬機身設計，配上聚碳酸酯，雖比note4輕，但在質感上貴氣仍在，而機身兩側採用計圓滑設，沒有介手的感覺，機背平滑，摸落冷冰冰，金屬科技感好重，相比以往紅米手機確實有很大的進步，值得一贊。   〜效能〜 紅米note4x和紅米note4最大分別莫於硬件配置，紅米Note4X主要是更換了新一代處理器，換到了高通驍龍625八核處理器，而驍龍 625 雖然採用8粒Cortex-A52 框架既 CPU ，性能更上代稍有下降， 不過值得留意係它採用全新14nm 的工藝技術，在性能和功耗上取得平衡，強勁性能下做到更省電。 ▲一向用開小米嘅小編覺得小米手機係資源管理做得幾好，3GB ram 開機後1.7GB可用，保掛系統流暢度，入門機有3GB Ram實屬難得 ▲32GB的存儲空間，有約26GB可用，對於唔打機，只用於打出打入，whatsapp,wechat,即使不插卡都夠哂數。   .                     . . ▲硬件方面的升級，通過安兔兔評測的跑分來看(不知為什麼顯示為note4)，紅米Note 4X的得分為62000+，比起使用Note 4的聯發科MTK Helio X20處理器要低幾千分，雖則如此大家都知高通自研架構CPU無論係穩定性，升級系統支援，發熱，還是續航，訊號等方面都有優勢。 實際使用，小編感不到Note 4和Note 4x很大體驗差距。使用紅米Note 4X玩遊戲依然有著不錯的體驗。 《Subway Surfers》, 《Real...